Retorno voluntario

Que é o programa de retorno voluntario?

O Ministerio de Inclusión, Seguridade Social e Migracións, a través da Secretaría de Estado de Migracións e da Dirección Xeral de Atención Humanitaria e Inclusión Social da Inmigración,ofrece a posibilidade de retornar voluntariamente aos seus países de orixe a aquelas persoas nacionais de terceiros países que cumpran os requisitos establecidos por cada convocatoria anual de subvencións.

Como se xestionan os proxectos de retorno voluntario?

Por unha banda, estes proxectos xestiónanse a través de entidades sen ánimo de lucro e están cofinanciados desde o ano 2015 polo Fondo de Asilo, Migración e Integración (FAMI).

Por outro lado, mediante un convenio coa Organización Internacional das Migracións, xestiónase o proxecto de Retorno Voluntario Asistido e Reintegración.

O programa de retorno voluntario contén dous tipos de proxectos:

  • Proxectos de retorno voluntario asistido e reintegración: dirixido a nacionais de terceiros países que se atopen en situación de especial vulnerabilidade contrastable a través dos Servizos Sociais da súa zona de residencia ou ONG especializada.
  • Proxectos de retorno voluntario produtivo: dirixido a nacionais de terceiros países que desexen emprender un proxecto empresarial asociado ao retorno.